خواطر (زجل عامي جديد)

[صفاء الدليمي]

يامركب الحب ياحاضنة الجمال كله
قلبى رماه الهوى مين اللى هيدله
الصبر ميل على قلبى وقال سلامات
ياعاشق الحب قوم وامشى على ضله

نفسى اقول كلمتى توصف دوا العشاق
أبدر تقاوى الهنا والحب للمشتاق
بس اللى يهمنى الصبر له نهاية
ايه معنة اللى صبر لو ضاعت الأخلاق

من عشقى للصبر حملته على أكتافى
ومشيت فى صهد الجبل عا الشوك ونا حافى
وطلعت بحر الغرق بدراعى عديتة
وسبحت بيه الفضا والبرد متعافى

ماأنا اللى طبعى كدا عاشق دوا العطار
وزرعت جنب السكن فوق الجدار صبار
لفيته بين الورق وعملت منه حجاب
وركبت بيه الزمن ونهاية المشوار
لقيت سواقى الألم تنزف على جراحى
ولمحت فرع الهنا يدبل وانا صاحى
لميت فى ساعة نكد الصبر ورميته
وزرعت عود الأمل والحب للصاحى

لبست توب الزمن ومشيت على مهلى
أجمع زهور الوفا وألبس هدوم أهلى
أكتب فى صبح ومساء موالى للمحتاج
لما أشوف الرضا شاور ونادهلى
وشكرا
اخوكم صفاء الدليمي

[أبو فالح]

مشكور اخوي صفاء الدليمي على الموضوع ويعطيك الف الف عافييه

[روز]

من عشقى للصبر حملته على أكتافى
ومشيت فى صهد الجبل عا الشوك ونا حافى
وطلعت بحر الغرق بدراعى عديتة
وسبحت بيه الفضا والبرد متعافى

احلى شي

يسلموووووووو

[فٍتِىٍ آلسِعُوٍدُيًهُ]

السلام عليكم

مشكوور على الخاطره الجميله

تقبل مروري اخوك

فتى السعوديه

[ملكة الاحساس]

صح لسانك وتسلم يمناك اخوي